MIGAS FRISIAS:
4 persoas: 1 barra de pan do día anterior, 1 pimentu secu 2 cucharitas de pimentón dulci, ayu, adeiti y sal.
Picar o pan . Heitali un poicu de agua con sal pa que nun esten tan secas danduli voltas. Pa frisilas, con adeiti de oliva, poñer a refrisir 2 ó 3 allus con una ginja seca y un poicu de pimentón dulci da Vera ,tendi cuau que nun se queimi ninhun componenti y dil heitandu o pan poicu a poicu dandu voltas hasta que o pan este ben tostaitu.

PROBA DE CHURIZU (4 PERSOAS)
1 kilu de carne de cochinu que teña gordu (grasa)
Pimentón dulci 100grs.
3 ayus, sal gorda.
Se corta o chorizu en cachitus pequenus como dadus. Se le eita o pimentón y o ayu machau y un poicu de agua.
Se movi tó juntu pa que se mezcli y cuando esté mezclau se deixa reposar dún día pa otru. Poñer en una sartén a carni adobá, se cubri con agua y se deixa coder meia hora.

BIZCOCHU DE TÍA PURA:

200 grs de farinha
150 grs de azucar
2 ovus
zumo de naranja y rallaúra de 1 limón
Un vaso (250 cc.) mitad de adeiti desafumao y mitad de leiti
Meiu sobri de levaúra
Se batin os ovus, se añadin as demáis coisas y o último a levaúra, se meti en o moldi y se leva pa o fornu 20 25 mns. a 180 graus.

GAZPACHU DE O´LUGAR PA 4 PERSOAS:

Cuchará de poleu
1 ayu
pan duru (100 grs)
1 ovu, 1 tomati,
pimentu verdi
adeiti, vinagre, agua y sal.
En o morteiru, machar o ayu o poleu y a sal.
En una fuenti aparti mezclar ben a yema do ovu con adeiti, un poicu de vinagre y o pan. Eitali 1 litru de agua, o machau de morteiru y o tomati, a clara de ovu y o pimentu picao en cachitus.
Deixal que se asenti en a nevera